Why Coconut Husk Beats COCO-PITH ?

COCO-PITH Myths: Discover the Truth

कोकोपीठ फायद्यांपेक्षा नुकसानच जास्त…

कोकोपीटला पर्याय बिशकॉम बद्दल वाचा..

कोकोपीठ COCO-PITH मुळे बागेतील मुळं कुजतात. त्याऐवजी नारळाच्या शेंड्यांचा वापर करा, जे मुळांना ऑक्सिजन देतात आणि गांडूळांचे स्वागत करतात. कोकोपीठ हे गार्डनमध्ये सहसा वापरले जाते पण त्याच्या अति ओलावामुळे झाडं मरतात. त्याऐवजी नारळाच्या शेंड्यांचा वापर करा, जे नैसर्गिक खत घटक देतात आणि मुळांची योग्य वाढ होऊ देतात. कोकोपीठच्या फायदे नुसकसानी विषयी या लेखातून जाणून घेवू या. – संदीप चव्हाण, ग्रो ऑरगॅनिक. नाशिक.

1/7. कोकोपीठ का नको…

प्रथम कोकोपीठ COCO-PITH म्हणजे काय ते समजून घेवू. कोकोपीठ म्हणजे नारळाच्या शेंड्यामधून धागे वेगळे केल्यानंतर जो भूसा उरतो तो भाग म्हणजे कोकोपीठ होय. कोकोपीठचा वापर पॉटींग मिस्क म्हणून करण्याची प्रचलीत पध्दत आहे. तर बाग आणि कोकोपीठ याचा इतका सहसंबध असतांना हा मुद्दा येथे व तेही वापरू नये अशा अर्थाने चर्चिणे जरा आश्चर्यकारक वाटेल. पण यावर कुणीही सहसा चर्चा करत नाही. कारण त्याची बाजारातील सहज उपलब्धता, त्याची मौखीक जाहिरात, कौतुक पहाता व विशेष म्हणजे त्याला दुसरा पर्याय नाही. त्यामुळे त्यावर सहसा कोणी बोलत नाही. पण त्याचे परिणाम खूप काही उत्तम नाही. असे तरी अभ्यासातून जाणवले आहे. खरचं दुसरा पर्याय नाही का.. आणि त्याचा नेमका उपयोग कुठे कसा केव्हा का करावा. हे समजून घेवूया..